Хронология

1895 жылы Вацлав Лаурин мен Вацлав Клемент Slavia велосипед зауытын құрды. 1905 жылы Laurin & Klement фирмасының алғашқы автокөлігі таныстырылды. Қуаты 7 ат күшін құрайтын екі орынды шағын автокөлік Voiturette A деп аталады.

Автокөлік өндірісінің көлемі тез арта бастайды. 1907 жылы шағын зауыт акционерлік қоғамға айналады. Жақсы коммерциялық байланыстардың арқасында Млада–Болеславта шығарылған автокөліктер, басқалармен қатар, Жаңа Зеландияға, Ресейге, Англияға және Жапонияға келеді.

Бірінші дүниежүзілік соғыс автокөлік өнеркәсібіне қатты әсер етті. Жеңіл автокөліктер өндірісі іс жүзінде тоқтап қалып, олардың орнына әскери автокөліктер шығарылады. 1924 жылы зауыт ірі өрт салдарынан қатты зардап шегіп, нәтижесінде бұл кәсіпорынның Пльзеньдегі Škoda алып машина жасау зауытымен бірігуіне әкелді.

Кәсіпорындардың бірігуінен кейін зауыт кеңейіп, заманауи конвейер желісімен жабдықталады. 1930 жылы әлемдік экономикалық дағдарыстан зардап шеккен кәсіпорын нарыққа мүлдем жаңа концепт-кар шығарады. Škoda 418 Popular жеке өнім желілерінің негізі болады.

1936 жылы Škoda өз еліндегі автокөлік өндірушілері арасында бірінші орында болады, басқа елдерден де оң пікірлер түседі. Екінші дүниежүзілік соғыс пен оккупацияның басталуымен өндіріс Германияның қажеттіліктеріне бағытталды. Соғыс аяқталуға таяғанда, зауыт бомбаланды.

Соғыстан кейінгі ұлттандыру Чехословакия экономикасына қатты әсер етті. Кәсіпорын құрамына Квасины мен Врхлабидегі зауыттар кіреді. Социализм дәуірі басталып, ол Чехословакия автокөлік өнеркәсібінің даму бағытын толығымен өзгертеді.

1950 жылдар Škoda Felicia-ға тиесілі, оған деген төмендемейтін сұраныс өндірістік қуаттылықтан едәуір асып кетті. 1960 жылдардың басында зауыттар ауқымды модернизациядан өтіп, 1964 жылы конвейерден су жаңа Škoda 1000 MB жасалып шығады.

Škoda 1000 MB базалық моделін және оның модификацияларын шығару қарқынды жүріп жатады. Бұл кәсіпорын тарихындағы миллионнан астам данасы шығарылған алғашқы модель.

Квасиныдағы Škoda 110 R өндірісі 1980 жылы тоқтатылады, ал келесі жылы Škoda Garde моделі шығарыла бастайды, ол кейіннен Škoda Rapid болады. Кәсіпорын қайтадан екі есікті спорттық купе шығара бастайды.

1987 жылы көптен күткен су жаңа Škoda Favorit моделі өндіріске енеді. 1991 жылы наурызда кәсіпорынның Volkswagen компаниясымен ынтымақтастығы реттеледі. Тіпті фирманың атауы да жаңартылады: Škoda автозауыты, бірлескен кәсіпорын.

1996 жылы сәуірде су жаңа Škoda Octavia моделі көпшілікке ұсынылды. Үш жылдан кейін Škoda Fabia келеді, ал 2001 жылы орта кластағы жаңа сәнді автокөлік – Škoda Superb жарық көреді. Өндірістік цехтар Ресейде, Қытайда және Үндістанда құрылады.

Осы жылдар ішінде Škoda өзінің модельдерінің ассортиментін кеңейтеді және жаңартады, соның ішінде өзінің алғашқы жол талғамайтын көлігін ұсынып, дизайнын жетілдіреді.

2019 жылғы CITIGOe iV және Superb iV автокөліктерінің тұсаукесері Škoda-ның электрмобильдер дәуіріне кіруін білдіреді. Škoda iV бренді эмоциялық дизайнмен, футуристік интерьермен және инновациялық технологиялармен, сондай-ақ мобильді шешімдердің арнайы экожүйесін құрумен сипатталатын электрлендірілген автокөліктер тобын әзірлеуді өз бойында біріктіреді.