Алты қырлы радиатор торы жаңа матрицалық фаралардың күндізгі жүріс жарықтарына ұласқан жарық жолағын түзетін 14 жарық элементімен толықтырылған. Осының бәрі қосылып бірегей композицияны құрайды және жүргізу кезінде қауіпсіздікті арттырады.

Сәл ғана шығып тұратын рейлингтері бар аэродинамикалық оңтайландырылған және ұзартылған төбе сызығы жаңа Kodiaq-қа қырынан қарағанда бірден назар аудартады. Картинаны алдыңғы және артқы қанаттардың мәнерлі пішіндері толықтырып тұр, олар автокөлікке көрнекі келбет беріп, ауқымды дөңгелек аркаларын айшықтап көрсетіп тұр. Ал фактуралы қара пластик периметр бойынша шанақтың астыңғы бөлігін қорғап қана қоймай, автокөлікті визуалды түрде биік етіп көрсетеді.

Жаңа Kodiaq қай қырынан қарасаң да, тартымды. Артқы жақта ішінен үш өлшемді кристалдармен сызық арқылы біріктірілген С тәрізді шамдардың жаңа пішіні. Ені үлкен жүксалғыш қақпағы, ауқымды артқы бампер мен диффузор — мұның бәрі автокөлікке қайталанбас келбет беріп тұр.