Идеяның авторы сол кездері Škoda компаниясының коммерциялық директоры болған Томаш Маглич болды деген болжам бар.

Ол 1918-1919 жылдары Пльзеньдегі Škoda бас кеңсесінде бір жылға жуық уақыт бойы оның кабинетін безендіріп тұрған үндістің бейнесінен шабыт алған шығар.

1923 жылдың 15 желтоқсанында Пльзеньдегі патенттер департаментінде екі сауда белгісі тіркелді.

1924 және 1925 жылдары қолданылған бірінші нұсқасы – Škoda жазуы бар шеңбермен көмкерілген, бес қауырсыннан тұратын стильденген қанаты бар жебе.

Екінші нұсқасында шеңбер ішінде үш қауырсынды жебе болды. Екі жағдайда да жебе оңға бағытталған. Бұл стильдік тұрғыдан жетілдірілген нұсқа және содан бері айтарлықтай өзгерістерге ұшырамай қалды.

Дизайнды әуесқой біреудің жасамағаны айдан анық болғанымен, Škoda эмблемасының авторы белгісіз. Белгілі чех мүсіншілері Отто Гутфройнд пен Отакар Шпаниэльдің есімдері ықтимал авторлар ретінде аталды.

Алайда бірқатар тарихи фактілер эмблеманың Škoda-ның Прагадағы бөлімшесінің техникалық директоры болған және тауар белгісін тіркеуге өтінім берген инженер Сикора ұйымдастырған байқаудың нәтижесінде пайда болғанын көрсетеді.

• Қанат
  Техникалық даму, өндіріс ауқымы, бүкіл әлем бойынша өнімдердің сатылуы
• Шеңбер, көз
  Өндіріс дәлдігі, жоғары техникалық деңгей, жаңашылдық.
• Алға бағытталған жебе
  Озық өндіріс әдістері, жоғары еңбек өнімділігі.
• Үлкен шеңбер
  Өндіріс икемділігі, өндіріс мінсіздігі, әлем, Жер планетасы.

Көк, металл, күміс түстес
(1925-1995) Эмблеманың негізі металдан жасалған, металл күміс және көк түстер қолданылған.
Қызыл
1950-1960 жылдары эмблема кейде қызыл түсте, қажет болған жағдайда негативте қолданылған.
Жасыл
(1993-1994) Көк түс жасылға ауыстырылды және кәсіпорын атауымен жаңа шеңбер қосылды.
Қара және жасыл
(1994-2011) Қара түс кәсіпорынның жүз жылдық дәстүрін, ал жасыл түс экологиялылықты білдіреді.
Жасыл, күміс түстес және қара
(2011–2022)
Электрлік жасыл және зүбаржаттай жасыл
(2023 ж. бастап) Зерттеу жүргізген кезде көптеген респонденттер бұл түстерді экологиямен, тұрақтылықпен және электр автокөліктермен байланыстырды.