EBD (Тежеу күшін электрондық түрде үлестіру) жүйесі тежеу қысымы мен жалпы тежеу тепе-теңдігін автоматты түрде оңтайландырады және артқы дөңгелектердің шамадан тыс тежеуіне жол бермейді. Әрине, толық жүктелген автокөлікте артқы оське түсетін жүктеме көлікте тек жүргізуші болғаннан гөрі көп. Осылайша артқы дөңгелектерге жүктелмеген автокөлікке қарағанда көбірек тежеу күші берілуі керек. Сонымен қатар алдыңғы оське жүктеме неғұрлым көп болса, тежеу күші оған соғұрлым көп түседі.

EDL (Дифференциалды электрондық түрде блоктау) жүйесін сіз әсіресе әртүрлі жабыны бар, мысалы, бір жағы құрғақ асфальт, екінші жағы мұз немесе қар болған жолда бағалайсыз. Егер жүйе бір дөңгелектің сырғып бара жатқанын анықтаса, оның жылдамдығын екінші сырғымайтын дөңгелекке сәйкестендіру үшін тежеу күшін қолданады. Ол сонымен бірге автокөліктің орнынан бірқалыпты қозғалуына мүмкіндік беретін көбірек қуатты беруге қабілетті ең жақсы ілінісуі бар дөңгелекке айналу сәтін бағыттайды.

ESC (Тұрақтылықты бақылаудың электрондық жүйесі) әр жүргізушіге автокөлік бір жағына сырғып бара жатқан кезде қиын жағдайларды шешуге көмектеседі. Басқару блогы автокөлік әрекетінің ағымдағы деректерін берілген мәндермен үнемі салыстырып отырады. Сәйкессіздіктер анықталған кезде басқару блогы автокөлікті тұрақтандыруға бұйрық береді. Бұл автокөліктің бір жағына сырғып кетуін болдырмайды.

HBA (Тежеген кезде гидравликалық көмек көрсету жүйесі) аса қиын жағдайларда жүргізушіге тежеу жолын қысқарту үшін максималды тежеу қысымын жасауға көмектеседі. Тежеген кезде көмек көрсету жүйесін қосу тежеу қысымын ABS басқаруы іске қосылатын деңгейге дейін күшейтеді. Бұл тежеу әсерін барынша пайдалануға және тежеу жолын айтарлықтай қысқартуға мүмкіндік береді.