Жүргізуші кеңістігі стиль мен ыңғайлылыққа акцент беріп жасалған: жаңа Škoda 2D-логотипі және қара күңгірт хром ендірмелері бар көп функциялы руль, қалықтаған сенсорлық экран және аспаптар панелі. Берілістер ауыстырып қосқышын руль бағанына көшірудің арқасында интерьер анағұрлым ықшам бола түсті. Атмосфералы жарық заманауи әрі жайлы салонның бейнесін аяқтап тұр.

Жақындарыңызды сапарға шақырыңыз – барлығына жайлы болады. Кең салон, жайлылықтың жоғары деңгейі және артқы орындықтардағы және алдыңғы жолаушы орындығындағы Isofix бекіткіштері отбасының барлығын жайлылықпен және қауіпсіздікпен қамтамасыз етеді.

Бір затыңыз сыймайды деп қалдырып кету керекдеп енді уайымдаудың қажеті жоқ. Жүксалғыш бөлімнің көлемі 589 литр, ал артқы орындықтарды жиыстырғанда көлемі 1739 литрге дейін ұлғаяды. Осының арқасында Superb жүксалғышы өз класындағы ең үлкендердің бірі болады.

Ағымдағы жылдамдықты, навигациялық нұсқауларды және басқа ақпаратты көрсететін дисплей – сапарларыңыздағы ыңғайлы көмекшіңіз. Бес түлі үйлесімі бар, 10 дюймдік виртуалды кокпит анағұрлым толық ақпаратты береді және өзіңіз таңдаған деректерді көрсететіндей етіп конфигурацияланады.

Экран астында орналасқан мини дисплейлі бұрылмалы үш интеллектуалды циферблат Superb интерьерінің айрықша сипатына айналды. Олардың көмегімен климатты, дыбысты және навигацияны тез әрі түйсікпен ыңғайлы басқаруға болады.

Superb барлық жолаушылар үшін үлкен ішкі кеңестік пен сыйымды жүксалғышты ғана ұсынып қоймайды, сонымен қатар саяхаттарда керек болатын барлық нәрсені сақтауға арналған көптеген орындарды ұсынады.

Superb интерьерінің әр бөлшегі жасалу сапасына және жоғары сапалы материалдарды пайдалануға деген барынша пейілмен әзірленде, сонымен қатар экологиялық және ұзақ сақтау есепке алынды. Интерьердің барлық текстильді элементтер 100% қайта өңделген полиэстрден дайындалған. Қолшатыр мен мұз қырғыш та экологиялық таза материалдардан жасалған.